ЯҢАЛЫКЛАР


13
август 2018 ел.
дүшәмбе

Татарстан Республикасының президенты Рөстәм Миннеханов №262 боерыгына кул куйды. Аның нигезендә Татарстанда 12 юнәлеш буенча милли һәм федераль проектларны (шулар арасында демография, сәламәтлек саклау, мәгариф, фән һәм башкалар) гамәлгә ашыруда җаваплы кураторлар һәм башкаручылар билгеләнде. Татарстанда санлы икътисад үсеше проектын ТР Премьер-министры урынбасары – Мәгълүматлаштыру һәм элемтә министры Роман Шәйхетдинов алып барачак.

Татарстанлылар «Халык инспекторы» мобиль кушымтасы белән актив файдалана, ул, исегезгә төшерәбез, юлларда аварияләрне киметү өчен, ТР Мәгълүматлаштыру һәм элемтә министрлыгы тарафыннан эшкәртелде. «Халык инспекторы» ярдәмендә кулланучылар мобиль кушымтаны гамәлгә керткәннән бирле юл хәрәкәте кагыйдәләрен бозу очракларын теркәүче 182 меңнән артык видеоматериал җибәрделәр. Исегезгә төшерәбез, әлеге гаризалар нигезендә ТР ЮХИДИ бозучыларны административ җаваплылыкка җәлеп итү турында карар кабул итә.

Южно-Сахалинскта 8 нче июльдән 12 нче августка кадәр узган «Яшь профессионаллар» (WorldSkills Russia) VI Илкүләм чемпионаты җиңүчеләренең исемнәрен игълан иттеләр. Катнашучылар үзләренең осталыкларын 63 компетенциядә күрсәттеләр. Татарстаннан җиде ИТ-компетенциядә катнашучылар беренче биш һәм бер өченче урын яуладылар.


10
август 2018 ел.
җомга

Бүген Иннополис университеты һәм Казахстан Республикасы Алматы өлкәсе хезмәттәшлек турында килешүгә кул куйдылар. Яклар фәнни-белем бирү даирәсен бергә үстерергә килештеләр. Документка ИТ-югары уку йорты директоры Кирилл Семенихин һәм Алматы өлкәсе хакиме урынбасары Омар Жаксылык үз кулларын куйдылар.

Еш кына картлык яки инвалидлык, яки социаль пенсия буенча дәүләт һәм хезмәт пенсиясен алучы гражданнарга пенсия күләме турында белешмәне күрсәтергә кирәк. Татарстанлылар әлеге мәгълүматны ТР Дәүләт хезмәтләре порталында карый ала.

Бүген ТР Премьер-министры урынбасары – Мәгълүматлаштыру һәм элемтә министры Роман Шәйхетдинов Югары Ослан муниципаль районы Моркваши авылында «Елмаю» яңа балалар бакчасының тантаналы ачылышында катнашты.


9
август 2018 ел.
пәнҗешәмбе

Кичә ТР Премьер-министры урынбасары – Мәгълүматлаштыру һәм элемтә министры Роман Шәйхетдинов АҖ «Россия венчур компаниясе» Милли технологик инициативасы проектлар белән идарә итү Дирекциясе вәкилләре белән очрашты. Очрашу кысаларында яклар проект һәм аны Татарстан территориясендә гамәлгә ашыру турында сөйләштеләр.

Казан ИТ-паркында җирле бизнес-инкубатор резидентлары була ала торган кызыклы һәм перспективалы ИТ-стартапларны сайлап алу уза. Инкубатор резиденты статусы  берничә өстенлекне күз алдында тота - ким дигәндә, ташламалы шартларда хәзерге заман офисында эш урыны һәм кавемнәр белән аралашу, күп дигәндә - потенциаль инвесторлар белән танышу.

МИЗ «Иннополис» компания-резиденты Иннософт Ауропада Yorso махсус компаниясен ачты. Бу – балык һәм диңгез ризыкларын күпләп җибәрүгә юнәлдерелгән сәүдә веб-платформасы.

Татарстан Республикасында 2010-2011 елларда республика укытучыларына бирелгән компьютер техникасын яңарту буенча өч еллык «Укытучыга ноутбук» республика программасы тәмамланды. Программа кысаларында гомуми белем бирү мәктәпләренә 39 мең яңа ноутбук, техникумнар һәм колледжларга 6 мең ноутбук кайтартылды.


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования